KOCHA ‘AMASHA’ ASEMA TIMU IKO VIZURI KWA MECHI NA KMKM

Kocha msaidizi wa Jang’ombe Boys Issa Othman ‘Amasha’ amesema timu yake ipo tayari kwa pambano la keshokati ya timu yake dhidi ya wazamiaji wa KMKM, hii ni kutokana na kwamba asilimia kubwa ya wachezaji wako na afya njema na wachezaji wawili tu ndio ambao ndio majeruhi kati ya wachezaji 30 wa timu hio, akizungumza na mwandishi wa mtandao huu kocha Amasha amesema ni wachezaji wawili tu ndio ambao ni wagonjwa.

Kocha Amasha akiwa katika majukumu yake.

“Tumemaliza kufundisha timu yetu na sasa kilichobaki ni wachezaji kuonyesha kwa vitendo kile tulichokuwa tukiwafundisha mazoezini, na hio ndio kazi moja kubwa ya mwalimu a mpira, nakiamini kikosi chetu kwani kimeonyesha uezo wa juu katika mechi za kirafiki tulizocheza.

“Wachezaji wako vizuri, wana ari, wameshazoeana na kuishi kwa maelewano ya hali ya juu sana ndani na nje ya uwanja sambamba na kuwa na mshikamano wa hali ya juu, pia nashukuru kwamba hatuna majeruhi wengi katika timu, tuna wachezaji watatu tu ambao ndio wana majeraha ambayo yametufanya tusiweze kuwatumia kwa mchezo wa kesho, ambao ni Hassan Choum, Shomari Abdallah Almas na Abubakar Mkubwa (Kamara).

"Kuhusu ugumu wa mchezo huo, ni kweli nakiri mchezo utakuwa mgumu sana na wa ushindani, lakini niseme KMKM wanatufahamu sisi na sisi vile vile tunawafahamu, lakini niseme nina  matumaini  matumaini makubwa ya ushindi kwa mchezo wa kesho 'In shaa Allah'.

“Kuhusu Abdi Kassim (Babi) ni kweli hakuhudhuria mazoezi leo, lakini tunazosababu za kutohudhuria kwake, lakini hata hivyo atakuwepo kesho katika mechi, hivyo benchi laufundi linaweza kuamua kumtumia kwa sababu ni mchezaji halali wa timu hii.

“Kiujumla wachezaji wote, ambao wamehudhuria mazoezi tangu yafunguliwe rasmi, wako vizuri kiafya na kiakili ya mchezo, hivyo sisi walimu ndio wapangaji wa timu na tumeshafanya tathmini ya wachezaji ambao wanafaa kutumika katika mchezo wa kesho, kwa sababu mchezo wa mpira una idadi maalum ya wachezaji, basi tutachagua wachezaji wa kesho na waliobaki watacheza mechi nyengine, hii ni mechi moja lakini ziko nyingi zinakuja” Alisema Amasha.

Jang'ombe Boys itajitupa uwanjani kusaka alama tatu muhimu za kufungulia msimu mpya wa ligi kuu ya Zanzibar huku ikiwa imeengeza nguvu kwa kusajili wachezaji wapya 8 na kuondoa wachezaji watatu pekee huku ikihakikisha inamrejesha mshambuliaji wake aliyekuwa katika klabu ya Singida United Abdahmani Othaman (Chinga) ambaye pia alikuwa akiwaniwa na klabu ya KMKM ambao ndio wanaopmbana nao kesho alasiri katika kiwanja cha Aman mjini Zanzibar.

KILA LA KHERI WASTAARABU WA NG'AMBU